Search
  • Desiree Swaen

From Shy Girl To Sex Coach



Varios bes mi sa tende via via for di hendenan conoci, cu “otronan” a puntra of remarca (pasobra ironicamente ami mes nunca a yega di haya un pregunta of remarke) ta con net Desi por a bira un "sex coach" ? (tanto e titulo corecto como e trabou ariba su mes, ta hopi mas amplio: Love, Relationship & Intimacy Coach)


"E tawata un hende asina keto y verlegen"....


Asta mi a yega di tende cu mi tawata un hende "zwak"


Yes, I remember that shy girl who didn't dare to speak up or defend herself....


Wel...


Bira un 'sex coach' no a pasa di un dia pa otro.


Na juli 2016 mi a dicidi di sigui mi calling cu a hibami den e ramo di coaching di relacion cual tawata inclui caba algun capitulo tocante sex coaching. Pami esaki no tawata suficiente y mi a sigui cu specialisacionnan mas profundo, como Tantra Sex Teacher y Master Sexpert na aña 2019.


Esaki a sosode na mesun momento cu mi tawata co-host hunto cu Julisa Arends-Hoevertsz e programa After Dark ariba Facebook. After Dark tawata un programa den cual nos tawata trese topiconan padilanti cu e intencion di habri e conversacion tocante sexualidad y promove intimidad den pareha. Na e momento ey e tipo di conversacionnan aki no tawata wordo hiba ainda den publicidad. Como hende muher nos a sinti e yamada pa trese e topiconan aki na luz di dia y normalisa locual en realidad ta un acto completamente normal. No solamente Julisa, kende tawata tin e corahe pa bin cu un programa cu tawata trata topiconan sumamente controversial, pero tambe e topiconan ariba nan mes, a challenge mi pa haya sa mas pa por domina e materia y trese informacion up-to-date y correcto pa e audiencia.


Mi tin cu admiti cu e hecho cu mi a haya conocemento profundo tocante entre otro anatomia y psychologia humano, deseo sexual, pasion, placer y tecnicanan, a yuda hopi pa baha e nivel di berguensa cu mi a lanta cune. Ora bo ta compronde con un cos berdaderamente ta hinca den otro, bo por djis 'laugh it off' y laga los di fabulanan cu a wordo hinca den bo cabes.


Pero, mas importante cu e conocemento ariba su mes, tawata e proceso psychologico profundo cu ami mes mester a pasa door di dje hunto cu mi psychologo Dimitri Halley (shadow work) y cu a hibami na descubri ken mi ta realmente.


E proceso mental aki a ponemi realisa hopi cos.


Entre otro:

  • cu e gevoel di berguensa tocante sexualidad no ta algo inherente na mi como persona, pero a wordo implanta for di chikito den mi door di otronan, cu e intencion di protegemi pa no bai den ‘mal caminda’;

  • cu aunke ainda esaki no ta convencemi, kizas na su momento e por tawata un metodo efectivo, pues el a logra hinca e miedo necesario den mi, pa evita cu mi a haci ‘fout’;

  • cu como adulto mi a puntra mi mes varios bes ki funcion e berguensa aki tin eigenlijk y si e no ta mas bien un forma di manipulacion;

  • cu como hende muher mescos cu hopi otronan, for di chikito mi a wordo programa door di sociedad en general, cu e mision pa ta un "mama" (hunga cu wieg, popchi, tetero etc.) "ama di cas" y "casa" (preferiblemente keto, sumiso, servicial y obediente) y pa 'tone down' y sconde mi poder femenino y sexual pa no 'provoca hende homber';

  • cu mi tin e capacidad pa ta mi mes y tuma desicionnan independiente tocante mi curpa y mi sexualidad y e rumbo cu ami kier hiba mi bida, sin cu esaki necesariamente tin di afecta otronan.

  • cu gevoelnan di deseo y placer, no ta cosnan ‘malo’ ‘perverso’ of ‘peligroso’ cu automaticamente ta dominami of controlami, pero ta gevoelnan humano, cu ami por maneha na un manera racional, tanten cu mi ta consciente di nan y ta accepta nan como parti di mi naturalesa;

  • cu ami mes a experiencia con e berguensa aki a infiltra den mi relacionnan anterior y tambe den mi matrimonio, den cual mi a hiba cumi e miedo implanta, cu tawata traha mas bien contra-productivo y a pone cu mi tawata emocionalmente blokia, reserva y sera pa intimidad cu mi pareha;

  • cu den mi experiencia como coach di relacion mi a bin ripara cu no ta ami so, pero cu hopi hende, particularmente hende muher, ta sinti e mesun gevoelnan aki di inhibicion y di no por habri nan mes completamente pa experiencia e intimidad real y placer completo cu nan pareha;

  • cu aunke tin hende ta kere cu no ta asina, intimidad sexual ta algo sumamente importante pa mantene e coneccion (bonding) y compromiso (commitment) den un relacion di pareha.

  • cu si e blog aki ta ponebo sinti nervioso of incomodo, kizas por ta ora pa bo bishita un coach....?

Jokes aside, mi rol ta uno sumamente importante.


E no ta un wega. Mi no a bira loco. Mi cabes no a bruha. Y definitivamente, mi no ta den un "midlife crisis"....


E no ta un simpel titulo cu ta wordo uza pa publicidad of pa yama atencion. E ta un trabou real ariba un nivel profesional. El a cambia mi bida y ta transformando bida di hopi hende cu ta sinti cu nan mester wanta hopi cos pa nan mes y no por papia cu nan pareha tocante sexualidad, pasobra esaki ta algo cu nunca nan tawata mag di haci.


E ta nifica trese parehanan mas cerca di otro, habriendo nan mes pa conversacionnan ariba un nivel hopi mas profundo.


E ta nifica durf di papia di detayes sumamente intimo, dunando e espacio na e pareha pa duna y haya hopi informacion, incluyendo deseonan, expectativanan y necesidadnan y otro temanan cu nunca antes a wordo toca.


E ta nifica conoce y acepta bo mes como e ser humano imperfecto cu bo ta, pa asina bo por compronde otronan en bes di husga nan.


Mi trabou no ta djies un ‘hobby’ of ‘pasatempo’. E ta mi ‘calling’, mi proposito y mi pasion.


And I'm not retiring until I'm dead.


CONSEHO


Biba pa bo mes. No sinta perde tempo cu e (posibel) opinion di otronan. Tur opinion ta basa ariba percepcion propio. Semper tin hende cu lo diferencia di opinion cubo, and that's fine. Corda cu cada ken ta na su propio nivel den bida. Tin hopi chance, cu abo tambe tawata eynan. Cierto hendenan ta habri hala y sigui crece y cierto hendenan ta prefera di keda safe den nan 'cocoon'. Y pa esnan den nan comfort zone, kizas esey ta e miho posicion, ya cu nan no mester 'face' nada cu lo por hasi nan sinti incomodo. Como adulto, cada un di nos ta responsabel pa nos propio actonan, pues abo ta responsabel pabo y ami pami. Keep that in mind, and you will be fine.


Desiree Swaen


DS Love Coach


Certified Loveologist®, Relationship Coach & Master Sexpert

48 views0 comments

Recent Posts

See All