ONE "HAPPY" ISLAND

Na comienso di mi carera, mi a bai full den coaching, y den mi entusiasmo mi a give up tur locual tin rond dimi incluyendo mi compania di bath & body cu mi tawata stima, pasobra mi tawata pensa cu tur hende lo mester di mi servicionan. Mi tawata “on a mission”. Tanto divorcio, tanto infidelidad y famianan kibra door di problemanan di relacion… mi a wak suficiente den mi 10 añanan como abogado. Divorcio tawata un trabou emocionalmente hopi pisa pami. Na unda ami tawata mira un bon chance pa reconciliacion, mi mester a realisa cu ami cu mi 23 aña, no tawata ekipa, ni cu e ‘know-how’, ni cu e experiencia di bida pa yuda nan. Mientras mi tawata wak cu e problema tawata claramente e manera di comunica y cu un ‘tweak’ chikito lo por a cambia ful nan futuro, mi no tawata un terapista di pareha of psycholoog specialisa den marriage counseling. Ariba dje, antes mayoria hende no kier a ni tende di bai psycholoog pasobra nan “no tin problema mental”. Y coaches? Mi nunca a tende di relationship coaching como profesion manera e ta awor. Solamente den area di deporte. Pues a kedami di djis haci mi trabou di abogado, bisa nan pa tuma e bedenktijd di dos siman pa despues manda peticion di divorcio corte, asta pa esnan cu tawata dudando.

Pues, ami, “the rescuer”, a yega na 2016 y tur hende mester ta super happy di tin un oportunidad pa drecha nan relacion … toch?

Eh...nope... Mientras cu tin hende ainda tawata cordami como abogado, niun hende tawata sa kiko ta relationship coaching ni di e hecho cu mi persona a switch di trabou. Pues cu Afl. 0 drentando mi negoshi den e prome lunanan, mi a opta pa haci free sessions pa informa hendenan kiko e trabou ta encera. Hendenan cu tawata “shop around”, bai cu mi lista di prijs y nunca a regresa. Hendenan cu tawata bisa: “AZV ta page?” “Sociale Zaken ta page?” “Mi donjo di trabou ta page?” “Seguro ta page?” Unico cos cu tawata falta, ta pa nan bisa: “Dios ta page?”

“... Mi mester wak mi budget, pasobra carnaval y vakantie ta mas importante cu mi relacion!”

Jokes y sarcasmo aside, tin hende cu indiscutiblemente ta den un situacion financiero dificil na unda cada florin ta conta. But through the years, I learned that for most others, it’s about priorities. Un hende cu ta cla p'e, lo hala tur cos “extra” un banda sin pensa dos biaha. Manera un cliente, cu a inverti e spaargeld cu e tawata poniendo un banda cu hopi esfuerso pa drecha su cas, den un luna di coaching pa supera e reciente perdida di su relacion. Su motivacion tawata fuerte: “Mi ta bebiendo dimas y mi ta sinti cu mi no por sali afo mi so. Si ami no ta bon, nada rond di mi lo funciona. E placa ey mi lo bolbe spaar e y eventualmente mi lo drecha mi cas. Awor, t’ami ta e prioridad.” E sacrificio y determinacion di e persona aki a dunami un drive enorme pa dune extra apoyo, pa e bin bek riba pia, pero tambe pa e haya su “money’s worth”. E coaching tawata un exito rotundo, danki na su disciplina y e hecho cu e a sa di pone su mes como prioridad.

Mientrastanto, otronan ta sigui sufri, y relacionnan ta sigui deteriora, ya cu nan ta opta pa hala problema un banda, buscando escape den forma di short-term “happiness”: infidelidad, bebemento y fiestamento excesivo, y e gastonan cu ta bin cu esey, solamente pa lanta su mayan cu un hangover y hopi mas problema. Y asina e mulina ta sigui draai. Ora nan realisa cu algun aña a pasa y e barco ta a punto di zink, nan kier un cita “urgente”, pero na mesun momento, nan ta verwacht cu nan relacion mester wordo ‘fixed’ for di raiz den un solo sesion, pasobra ta esey ta net locual nan ta dispuesto pa inverti. After all, mester resta placa pa pachanga … no lubida cu nos ta one “happy” island … y apariencia ta conta! Mi a hayami ta recorda algun di nan, cu te ainda no ta existi un toverstaf of ‘magic pill’ pa instantaneamente cura añas di negligencia.

Ta bon pa nos reflexiona seriamente y wak na unda nos kier yega. Si ta asina cu nos kier yega un caminda. Actualmente, mientras tin un wachtlijst largo pa terapista y psychologo, tin bastante coaches ariba nos isla cu ta cla pa yuda. Mientras na U.S.A. coaching ta un profesion reconoci y un bishita na un coach ta algo sumamente comun, te awor coaches aki na Aruba ta mustra di ta “non-existent” den nos comunidad, mientras cu den background nos ta haciendo hopi trabou. Mi a haci mi esfuerso, splicando diferente bes den e ultimo 5 añanan, na diferente persona, instancia y companianan, e importancia di coaching como metodo preventivo pa evita e manifestacion di malesanan mental y fysico cu ta pisando ariba nos sistema. Y mi tin di bisa, cu cierto camindanan mi a haya oido pa esaki, den algun caso un ‘half oor’, pero at least nan tawata tin e gentilesa di sinta scuchami. Hopi hefe di trabou ainda no ta realisa con diep un problema di relacion por impacta e performance di un empleado, cu esaki por causa malestar fysico cu ta pone cu e empleado constantemente ta a.o., of no tin e focus mental pa funciona debidamente door cu e ta kibra bou di e presion cu tin na cas. Y hopi hende en general ainda no ta consciente con profundamente nan mes ta wordo afecta pa problemanan di relacion, cu ta pone cu a lo largo nan ta cuminsa desaroya sintomanan di stress, ansiedad y depresion, pa despues end up medica, of pio. Mi ta raise awareness constantemente via mi blog, posts y videos ariba mi social media. Pero, there’s only so much I can do. Tanten cu hende no realisa cu e tempo a yega pa pone su mes como # 1 priority y ta keda opta pa busca escape den fake and temporary “happiness”, tur esakinan ta cosnan fuera di mi control.

Mientras tanto, ami ta bibando mi pasion, enfocando riba mi calling pa ta un apoyo y un guia pa esnan cu a pone nan confiansa den mi pa logra nan metanan. Pa esnan cu no ta kere den nan mes yega na stima y balora nan mes, y pa parehanan no ‘give up’ , pero recupera nan fe, yega na reconstrui un relacion sano y felis. Locual pa mi ta primordial, ta mi clientenan. No tin nada mas emocionante cu mira e chispa di speransa bek den nan wowonan. Di wak con parehanan ta drenta, sinta leu for di otro, y sali man teni y ta smile cu otro, cu un perspectiva diferente y posibilidadnan nobo pa futuro.

Happiness is an inside job.

I make it happen, every day.

Danki pa lesa.

DS