E NARCISTA DEN BO
Hopi bes nos tin tendencia di wak e splinter den wowo di otro pero no e balki den nos mesun wowo. Asina tambe, nos tin e tendencia di husga otro y cualifica nan como narcista ora nan ta demostra cierto comportacion.
Pero, con profundamente nos a yega di analisa nos mes?
Aki ta sigui un lista cu ta inclui e caracteristicanan mas comun di esnan cu personalidad narcista.
Analisa y ripara cuanto di nan ta aplicabel pa bo.
EGOISMO
Bo ta pensa constantemente ariba bo mes
Bo ta focus pa cumpli cu bo propio necesidadnan, poniendo necesidadnan di otronan un banda
SENTIDO DI SUPERIORIDAD
Bo ta haya cu semper abo tin rason
Bo ta haya cu bo ta mihor cu otronan of merece mas cu otronan
FALTA DI EMPATIA
Bo ta carece di compasion of comprension pa cu otronan
NECESIDAD PA MANIPULA / CONTROLA
Bo ta manipula otronan emocionalmente ora ta cumbinibo
Bo ta extremadamente jaloers y kier dirigi of controla un relacion
NECESIDAD PA ADMIRACION
Bo ta haya bo mes digno di admiracion y ta verwacht cu otronan mester adorabo
Bo semper kier resalta y ta e centro di atencion
Bo ta rabia ora otro hende sobresali of wordo gaba
DIFICULTAD CU CRITICA
Bo ta reacciona di forma exagera ariba critica
Bo tin hopi dificultad pa admiti cu bo ta robes
FACILMENTE HERIDA
Bo ta ‘get hurt’ of rabia hopi lihe
Bo ta sinti cu otronan kier perhudicabo
Si bo ta sincero cu bo mes, bo sa cu na un momento of otro abo, mescos cu ami y tur otro ser humano, sa haya bo mes confronta cu e hecho cu bo ta actua of reacciona na un of mas di e maneranan menciona ariba.
Esaki ta hacibo un narcista?
No automaticamente. Esaki ta depende hopi di con frecuente y dominante e mayoria di e caracteristicanan aki ta presenta nan mes.
Hopi di esnan berdaderamente narcista nunca lo admiti algo cu lo por ta un amenaza pa nan ego. Pues, mayoria biaha un narcista lo wak e narcista den bo, pero no den su mes.
Esaki ta e motibo principal pakiko ta sumamente dificil, y den mayoria caso imposibel, pa un narcista cambia.
Desiree Swaen
DS Love Coach
Certified Loveologist®, Relationship & Life Coach
Picture Credit: Sammy Williams