Search
  • Desiree Swaen

DS LOVE TALK BLOG: DSMATCH: Haya e amor di bo bida!

Updated: Apr 21



Lesa pa mira si DSMATCH lo por ta e posibilidad cu bo tawata sperando!


Asina tanto bes mi a tende hendenan lamenta: "Tinder sucks!", of "el a bira un hook-up site!" y cu na Aruba lastimamente nos no tin un matchmaker. Wel mi no por imaginami cu te ainda no tin un, kizas niun hende a lansa su mes oficialmente como matchmaker, pero mi ta sigur cu tin hopi undercover matchmakers cu a set up nan amiga, of algun familiar cu un potential partner. Mi sa di varios hende cu a yega di bai ariba un 'blind date'. Y tin biaha e ta resulta di ta un bon match, tin biaha no. E cos ta y ta keda, cu dating semper ta un risico. Bo no sa ken bo lo topa. Y bo no sa si e persona ey lo ta compatibel cubo. Esey ta e aventura cu yama dating. Algo cu por ta leuk y na mesun momento hopi frustrante.


E realidad di bida ta, cu eigenlijk nunca bo lo haya un persona 100% compatibel. Sigur, bo lo por topa e 'people pleaser' ey cu lo ta dispuesto pa complace bo den tur bo caprichonan. Pero en realidad...esey ta locual bo kier?


Bo a yega di puntra bo mes kiko - of ken - bo kier?


Un serie di preguntanan clave tocante bo persona y bo expectativanan lo wordo presenta na bo na momento cu bo aplica pa DSMATCH, mediante cual automaticamente bo ta drenta e dating pool.


E procedura ta sumamente facil!

  • Manda un e-mail pami na: desiree@ds-lovecoach.com

  • Yena e cuestionario cu wordo manda pabo, lo mas completo y detayadamente posibel, inclui un portret recien (preferibel no demasiado photoshopped) hunto cu e cuestionario y manda tur cos back pami. E cuestionario ta confidencial pa ambos, pues ni ami ni abo mag divulga ningun pregunta ni contesta cu tin den e cuestionario cu tercera personanan (tampoco cu e potential date) sin previo autorisacion por escrito.

  • Asina mi ricibi e informacion cu mi a pidi, mi lo confirmabo cu bo ta den e dating pool pa un periodo inicial di tres luna. Si pa cualkier motibo bo dicidi di sali, bo ta lagami sa.

  • Dependiendo di e compatibility rate cu abo escoge, mi lo tuma contacto cubo asina cu tin un match.

  • Si e periodo di tres luna pasa sin un match, mi lo tuma contacto cubo pa wak si bo lo kier sali for di e dating pool, of extende esaki pa tres luna mas.

  • Den caso cu tin un posibel match, nos lo planea un compatibility assessment session den cual abo y e posibel match lo reuni cumi ariba Zoom.

  • Durante e session, ami lo haci boso dos un serie preguntanan clave, cu tur dos mester contesta y cu lo duna cada un di boso un bista tocante compatibilidad. No lo bai tin hopi tempo pa pensa, pues mi no kier contestanan 'policically correct', sino mas bien contestanan mas 'straight to the point', sincero y espontaneo posibel.

  • Si durante e session boso ripara cu tin un click, boso por dicidi na final di e session caba pa comparti informacion di contacto, pero en todo caso cada un lo tin te cu cinco dia despues di e session pa laga sa si e ta interesa. Si resulta cu a base di e compatibility assessment session ambos persona ta interesa pa sigui conoce e otro miho, mi lo duna boso, cu permiso di ambos, e info di contacto di e otro pa boso por sigui comunica y eventualmente planea un date. Eynan mi trabou como mediador a caba.

Bo no ta paga nada pa drenta of keda den e dating pool. Na momento cu nos schedule e compatibility assessment session bo lo paga e fee correspondiente pa e session aki.

Bo lo ricibi tur informacion hunto cu e instruccionnan pa completa e cuestionario.


DSMATCH ta ideal pabo?

  • Bo ta seriamente en busca di un pareha pa termino largo;

  • Bo a cansa di perde tempo valioso, saliendo cu personanan incompatibel;

  • Bo lo kier analisa di antemano si un posibel date ta bale la pena;

  • Bo ta interesa pa topa cu un posibel match.

Dicon un matchmaker ta mas confiabel cu un dating site?


No tur hende cu bai date ariba Tinder automaticamente lo topa the Tinder Swindler. Tin cu tawata tin e suerte di topa e amor di nan bida. Pero logicamente, un persona cu ta dispuesto pa paga un matchmaker tin hopi mas chance di ta buscando un persona serio pa comparti su bida cune. E hecho cu e tambe ta interesa pa assess e compatibilidad di antemano y ta open pa contesta 'random questions' ta haci e chance mas grandi cu e lo por ta un persona confiabel.


Mescos cu mayoria cos den bida, matchmaking no ta dunabo 100% garantia cu bo lo topa e pareha di bo soño, pero e lo dunabo un bon preview y e ta un opcion hopi mas safe pa por analisa e vibe y compatibilidad, prome cu expone bo mes na un persona cu bo no conoce.


Aplica awe pa DSMATCH: desiree@ds-lovecoach.com


55 views0 comments